បន្ទាប់ពីឆ្លងកាត់នូវគ្រោះថ្នាក់ទាំង៨១ រួចមកទាំងគ្រូនិងសិស្សទាំងអស់រួមមាន ថាំងចេង អ៊ូខុង ប៉ាចេ អារក្សទឹក និងសេះ ក៏បានធ្វើដំណើរទៅដល់តំបន់ទឹកដីព្រះដែលជាកន្លែងត្រូវទៅចំលងធម៌នោះ។ ពេលដែលចូលទៅជួបព្រះយូឡាយ ដើម្បីចំលងធម៌នោះ ព្រះយូឡាយក៏បានសួរទៅកាន់គ្រូនិងសិស្សទាំងអស់នោះ៖
ព្រះយូឡាយ៖ តើអ្នកទាំងអស់គ្នាមានបានយក USB មកដែររឺទេ?
គ្រូនិងសិស្សទាំងអស់៖ បានឆ្លើយព្រមគ្នា! ខ្ញុំព្រះករុណាមិនបាននាំមកជាមួយទេព្រះអង្គ
ព្រះយូឡាយ៖ បើអត់យកមកអញ្ចឹង តើយើងចំលងធម៌ទៅអោយអ្នករាល់គ្នាយ៉ាងដូចម្តេច?
អ៊ូខុងបានឆ្លើយតបទៅវិញយ៉ាងរហ័ស៖ បើអញ្ចឹងព្រះអង្គបាញ់តាម Bluetooth ចូលក្នុងទូរស័ព្ទរបស់ខ្ញុំករុណាមក។ អ៊ូខុងមិនបង្អង់ក៏បានលូកដៃចូលក្នុងហោប៉ៅដកយកទូរស័ព្ទ iPhone 4 ពណ៌សចេញមក រួចបើក Bluetooth ភ្លាម។ គ្រាន់តែបានឃើញ ព្រះយូឡាយក៏មិនបង្អង់យូរដែរ ក្នុងនាមជាព្រះកំពូលមួយអង្គរបស់ប្រើប្រាស់ក៏មិនអន់ជាងអ៊ូខុងប៉ុន្មានដែរ ព្រះអង្គក៏បានទាញយក Mac Air Book 2011 អេក្រង់១៥អ៊ីង ថ្មីស្រឡាងចេញពីថង់យាមរួចបើក Bluetooth ភ្លាមៗផងដែរ។ត្រឹមតែរយៈពេលមិនយូរប៉ុន្មានផងការចំលងធម៌ នោះក៏បានរួចរាល់ ព្រះយូឡាយក៏បានហោះទៅបាត់ទៅដែរ។
ថាំងចេងគិតក្នុងចិត្តរួចនិយាយថា៖ បើដឹងអញ្ចឹងមិនចាំបាច់មកទេ នាំតែខាតពេលនៅវត្ត search Google download វិញលឿនជាង មិនប្រថុយគ្រោះថ្នាក់ផង។
ប្រភព៖ កំប្លែង: ថាំងចេងទៅចំលងធម៌សម័យ Internet
អាល្ងីល្ងឺបួននាក់សប្បាយចិត្តជាខ្លាំង ហើយដោយសារឃើញតាចំនាស់នោះជាមនុស្សឆ្លាត ពួកវាក៏បានសុំទៅនៅរៀនជាមួយតាចំនាស់នោះ។នៅបានប៉ុន្មានថ្ងៃតាចំនាស់ក៏បានប្រាប់អោយអាល្ងីល្ងឺទាំងបួននាក់ទៅរកឃ្មុំនៅក្នុងព្រៃ។ពេលពួកវាទៅដល់ក្នុងព្រៃអាល្ងីល្ងឺទាំងបួននាក់បានឃើញឃ្មុំមួយនៅលើដើមឈើខ្ពស់មួយក្បែរមាត់ទឹក។អាល្ងីល្ងឺទីមួយរៀបនឹងឡើងយកស្រាប់តែអាល្ងីល្ងឺទីពីរបន្លឺឡើង“វ៉ើយអាខាងក្រោមនេះជិតស្រួលយកជាងកុំពិបាកទៅឡើងយកអាលើដើមឈើខ្ពស់នោះអី“(វាបានចង្អុលទៅក្នុងស្រមោលឃ្មុំដែលនៅក្នុងទឹក)។លឺដូច្នេះអាល្ងីល្ងឺទីមួយក៏លោតប្រូងទៅក្នុងទឹកហើយងើបមកវិញហើយនិយាយថា“ឃ្មុំនេះចេះបំបាំងកាយហើយមិនដឹងជាពួកវាប្រើកំលាំងអីទេរុញអញឡើងមកលើវិញ“។វាបានសាកជាច្រើនដងតែមិនបានសំរេច។ក្រោយពីគិតគ្នាមួយសន្ទុះមកពួកវាក៏បានសំរេចចិត្តចងខ្លួនពួកវានឹងដុំថ្មទាំងបីនាក់រួចលោតចុះទៅក្នុងទឹកដោយទុកអោយអាល្ងីល្ងឺទីបួននៅចាំមើលស្ថានការណ៍។អង្គុយចាំអស់បីថ្ងៃបីយប់នៅតែមិនឃើញសំលាញ់វាត្រលប់មកវិញ។និយាយពីតាចំនាស់ដោយបាត់អាល្ងីល្ងឺទាំងបួននាក់យូរពេក គាត់ក៏ដើរមករកពួកវានៅក្នុងព្រៃស្រាប់តែឃើញអាល្ងីល្ងឺទីបួននៅអង្គុយម្នាក់ឯងហើយក៏សួររកគ្នាវាដ៏ទៃទៀត។វាក៏ឆ្លើយថាពួកវា ចុះទៅយកឃ្មុំ!ស្រាប់តែចៃដន្យអីស្រាប់តែសាកសពទាំងបីនាក់នោះអណ្តែតឡើងមក។វាក៏ភ្លាត់មាត់ស្រែកឡើងថា“នោះពួកវាត្រលប់មកវិញហើយ!!!“ តាចំនាស់ហួសចិត្តរួចក៏បានពន្យល់វាថា តែពេលណាហើមស្អុយអីចឹងបានន័យថាស្លាប់ហើយ!យល់អីចឹងហើយវាក៏បានសុំតាចំនាស់នោះ ទៅដើរផ្សងព្រេងនៅកន្លែងដ៏ទៃទៀតវិញ។ក្រោយពីធ្វើដំនើរហត់អស់មួយមួយព្រឹកមកវាក៏អង្គុយឈប់សំរាកក្រោមដើមឈើមួយ។ចៃដន្យអីស្រាប់តែវាលេចផើមធំក្លិនស្អុយមែនទែន 
មតិថ្មីៗ