វិធីរករឹសទី១៣(រឹសប្រាកដ)នៃចំនួនណាមួយគឺជាប្រធានបទនៃការប្រកួតប្រជែងគ្នាដ៏ពេញនិយមមួយនៅក្នុងផ្នែក Mental Calculation ថាតើនរណាដែលអាចគណនារកចំលើយវក្នុងថេរវេលាលឿនបំផុត។ឧទាហរណ័ចំលើយនៃរឹសទី១៣នៃ៨.១៩២គឺ២ រឹសទី១៣នៃ១.៥៩៤.៣២៣គឺ៣ជាដើម។ប៉ុន្តែនៅក្នុងការប្រកួតប្រជែងគ្នាជាទូទៅគឺគេធ្វើឡើងក្នុងការរកចំលើយលើចំនួនដែលធំៗដូចជាការរកចំលើយនៃរឹសទី១៣នៃចំនួនដែលមានលេខ១០០ខ្ទង់និងរកចំលើយនៃរឹសទី១៣នៃចំនួនដែលមានលេខ២០០ខ្ទង់ជាដើម។
ជាទូទៅចំលើយនៃរឹសទី១៣នៃចំនួនដែលមានលេខ១០០ខ្ទង់គឺជាលេខដែលមាន៨ខ្ទង់នៅចន្លោះពី ៤១.២៤៦.២៦៤ ទៅ ៤៩.២៣៨.៨២៦។ចំនែកឯការរកចំលើយនៃរឹសទី១៣នៃចំនួនដែលមានលេខ២០០ខ្ទង់គឺមានការលំបាកជាងនេះឆ្ងាយដោយសារតែចំលើយរបស់វាគឺមានរហូតដល់ទៅ១៦ខ្ទង់ដែលនៅចន្លោះពី២.០៣០.៩១៧.៦២០.៩០៤.៧៣៦ ទៅ ២.៤២៤.៤៦២.០១៧.០៨២.៣២៨។
ឯតទគ្គកម្មជាផ្លូវការ៖
ឯតទគ្គកម្មជាផ្លូវការដំបូងគេក្នុងការដោះស្រាយរករឹសទី១៣នៃចំនួនដែលមានលេខ១០០ខ្ទង់គឺធ្វើឡើងដោយជនជាតិម៉ិចស៊ិចកូ De Grote ក្នុងរយៈពេល២៣នាទី។ក្រោយមកមានអ្នកបំបែកឯតទគ្គកម្មជាបន្តបន្ទាប់ដូចជាជនជាតិហូឡង់ Willem Klein (ក្នុងថេរវេលា៨៨,៨វិនាទី)និងជនជាតិអាល្លឺម៉ង់ Gert Mittring (ក្នុងថេរវេលា៣៩វិនាទី)។ចុងក្រោយគេគឺជនជាតិបារាំង Alexis Lemaire ក្នុងថេរវលា១៣.៥៥វិនាទីនៅថ្ងៃទី១០ឧសភា២០០២។ហើយ Alexis Lemaire ក៏ជាអ្នកដែលអាចដោះស្រាយរករឹសទី១៣នៃចំនួនដែលមានលេខ២០០ខ្ទង់បានលឿនជាងគេដែរ(ក្នុងរយៈពេល៧០,២វិនាទីនាថ្ងៃទី១០ធ្នូ២០០៧)។
ឯតទគ្គកម្មមិនផ្លូវការ៖
ចំនែកឯឯតទគ្គកម្មមិនផ្លូវការវិញក្នុងការដោះស្រាយរករឹសទី១៣នៃចំនួនដែលមានលេខ១០០ខ្ទង់ក៏ធ្វើឡើងដោយAlexis Lemaireដែរក្នុងថេរវេលា៣,៦២៥វិនាទីនាថ្ងៃទី១៧ធ្នូ២០០៤។
អានផងដែរ៖ វិធីរករឹសទី១៣នៃចំនួនដែលមានលេខ១០០ខ្ទង់
តើរឹសទី១៣នៃចំនួន 3,893,458,979,352,680,277,349,663,255,651,930,553,265,700,608,215,449,817,188,566,054,427,172,046,103,952,232,604,799,107,453,543,533 ស្មើប៉ុន្មាន? 😀
កំនត់ហេតុខ្ញុំ 
មតិថ្មីៗ