កីឡាដ្ឋាន ឬ កីឡដ្ឋាន ???

20 06 2012

តាម​វចនា​នុ​ក្រម​សម្តេច​សង្ឃរាជ​ជួនណាត​គឺ​មាន​តែ​ពាក្យ​កីឡដ្ឋាន

ប្រកាសស្រដៀង៖
មិនា ឬ មីនា ???





សំបុត្រការ

10 04 2011





សុំ​និយាយ​ពី​ប្រព័ន្ធ​អប់រំ​ខ្មែរ​ឥលូវ

6 04 2011

កាល​ខ្ញុំ​ទៅ​លេង​ស្រុក​ខ្មែរ ខ្ញុំ​បាន​រើ​រក​ឯក​សារ​ចាស់​ៗ​មួយ​ចំនួន ហើយ​ក៏​ប្រទះ​ភ្នែក​នឹង​ក្រដាស​មួយ​សន្លឹក។​គឺ​ជា​វិញ្ញាសា​ប្រលង​ភាសា​ខ្មែរ ដែល​ចេញ​ដោយ​គ្រូ​ខ្ញុំ​ម្នាក់​កាល​ខ្ញុំ​រៀន​ថ្នាក់​ទី​១០។

នេះ​ខ្ញុំ​មិន​ចង់​រិះ​គន់​គាត់​ទេ គ្រាន់​តែ​ចង់​បង្ហាញ​ពី​ស្ថាន​ភាព​នៃ​ប្រព័ន្ធ​អប់​រំ​នៅ​ស្រុក​ខ្មែរ​ជា​ពិសេស​នៅ​តាម​ជន​បទ​ដូច​ជា​នៅ​វិទ្យា​ល័យ​របស់​ខ្ញុំ​ជា​ដើម។​ការ​ពិត​គាត់​មិន​មែន​ជា​គ្រូ​ភាសា​ខ្មែរ​ទេ តែ​ដោយ​សារ​តែ​​នៅ​សាលា​របស់​ខ្ញុំ​ខ្វះ​គ្រូ​ភាសា​ខ្មែរ គាត់​ដែល​ជា​គ្រូ​បរិញ្ញា​ផ្នែក​ជីវ​វិទ្យា​ក៏​យល់​ព្រម​ទទួល​បង្រៀន​ភាសា​ខ្មែរ​នេះ​(ចឹង​ហើយ​បាន​សរសេរ​ខុស​ដូច​ព្យុះ)។​​ករណី​ដែល​ខ្វះ​គ្រូ​នេះ យក​គ្រូ​នោះ​មក​ដាក់​បង្រៀន​នឹង​មិន​មែន​មាន​តិច​ទេ​នៅ​សាលា​របស់​ខ្ញុំ និយាយ​ទៅ​សូម្បី​តែ​មុខវិជ្ជា​គណិត​វិទ្យា ក៏ត្រូវ​បង្រៀន​ដោយ​​គ្រូ​មុខ​វិជ្ជា​ផ្សេង​​ដែរ។​នេះ​រឿង​ម្យ៉ាង​ដែល​ខ្ញុំ​ចង់​និយាយ។

ចំនែក​រឿង​មួយ​ទៀត​ដែល​ខ្ញុំ​ចង់​និយាយ​គឺ​ការ​ផ្លាស់​ប្តូរ​សៀវភៅ​សិក្សា​នា​ពេល​ប៉ុន្មាន​ឆ្នាំ​ថ្មី​ៗ​នេះ​របស់​ក្រសួង​អប់រំ​ ដែល​តំរូវ​អោយ​សិស្ស​បែង​ចែក​ជា​ពីរ​ក្រុម​គឺ​វិទ្យា​សាស្រ្ត​សង្គម និង​វិទ្យា​សាស្រ្ត​ពិត​(កំរិតខ្ពស់​និង​កំរិត​ទាប)។​ផល​វិបាក​ពីរ​ដែល​គេ​មើល​ឃើញ​ក្រោយ​ពី​ផ្លាស់​ប្តូរ​បាន​មួយ​​ឆ្នាំ​ពីរ​​ឆ្នាំ៖
ទី១៖ គ្រូ​ៗ​មួយ​ចំនួន​ធំ​ជា​ពិសេស​ផ្នែក​វិទ្យា​សាស្រ្ត​ពិត​បាន​ថ្ងូ​ថា​សៀវភៅ​ថ្មី​នេះ​មាន​កំរិត​ខ្ពស់​ដែល​សិស្ស​ពិបាក​ចាប់​យក ហើយ​ពេល​ខ្លះ​សូម្បី​តែ​ខ្លួន​គាត់​ផ្ទាល់​ក៏​មិន​សូវ​យល់​ពី​មេរៀន​ទាំង​នេះ​ដែរ ព្រោះ​ក្រសួង​បាន​រើ​យក​មេរៀន​ចាស់​ៗ​មក​ដាក់​បញ្ចូល​ក្នុង​កម្ម​វិធី​ថ្មី​វិញ ហើយ​គណិត​វិទ្យា​សំរាប់​សិស្ស​ពួកែ​មួយ​ចំនួន​ក៏​ត្រូវ​បាន​ដាក់​បញ្ចូល​ដែរ​(ក្នុង​គណិត​ថ្នាក់​​ខ្ពស់)។​ក្រសួង​ហាក់​ដូច​ជា​មិន​យល់​ពី​សមត្ថ​ភាព​របស់​សិស្ស​និង​គ្រូ​បង្រៀន​របស់​ខ្លួន​សោះ ចង់​ធ្វើ​ម៉េច​អោយ​តែ​កម្ម​វីធី​សិក្សា​មាន​កំរិត​ខ្ពស់​ដូច​ប្រទេស​ដទៃ។​​ហ៊ឹម​​…​ធ្វើ​ចឹង​ដូច​ធ្វើ​បាបតែ​​ខ្លួន​​​ឯង​​​នឹង​!!!
ទី២៖ អ្នក​ដែល​រើស​យក​មុខ​វិជ្ជា​វិទ្យា​សាស្រ្ត​សង្គម​(មិន​តំរូវ​អោយ​រៀន​គណិត​ឬ​រូប​វិទ្យា​…​ទេ)​នៅ​ថ្នាក់​ទី​១១​កាល​ពី​២​ឆ្នាំ​មុន ស្រាប់​តែ​ឆ្នាំ​ទៅ​ពេល​ដែល​ពួក​គេ​បាន​ឡើង​ថ្នាក់​ទី​១២ ពួក​គេ​តំរូវ​អោយ​មក​រៀន​គណិត​និង​រូប​វិទ្យា​…​វិញ។​ដល់​ចឹង​គ្នា​រៀន​ម៉េច​យល់​បើ​អត់​បាន​រៀន​ទី​១១​ស្រាប់​តែ​អោយ​មក​រៀន​ទី​១២​…​ពិបាក​ពី​ណា​មាន​តែ​គ្រូ​និង​សិស្ស​នឹង​ឯង។





ពាក្យ​ចាស់​បូរាណ​និង​សម័យ​ឥលូវ

18 01 2011

ពាក្យចាស់បូរាណ៖
១. ចិត្តល្អក្រមិនយូរ។
២. ធ្វើល្អបានល្អ ធ្វើអាក្រក់បានអាក្រក់។
៣. មនុស្សគេយកសំដី ដំរីគេយកភ្លុក។
៤. នៅផ្ទៃម្តាយទីទៃ នៅព្រៃម្តាយតែមួយ។
៥. ចានក្នុងរាវតែងមានរណ្តំ។

ពាក្យសម័យឥលូវ៖
១. ចិត្តល្អក្រឆាប់។
២. ធ្វើល្អបានល្អ ធ្វើអាក្រក់បានលុយ។
៣. មនុស្សគេយកសំដី ដំរីវាយកដំរីគ្នាវា។
៤. នៅផ្ទៃម្តាយទីទៃ នៅព្រៃម្តាយនៅផ្ទះ។
៥. ចានក្នុងរាវតែងមានរណ្តំ ឯចានផ្ទះខ្ញុំរណ្តំរាល់ថ្ងៃ។

បើមានពាក្យអ្វីផ្សេងៗទៀតសូមជួយបន្ថែមផង!





បើអាចទៅរួច សុំ​ពិនិត្យ​មើល​ឡើង​វិញ​ផង!!!

9 01 2011

ខ្ញុំ​មិន​ដឹង​ថា​នរណា​គេ​ជា​អ្នក​បក​ប្រែ​ជា​ភាសា​ខ្មែរ​នៅ​គេហ​ទំព័រ​ហ្វេសប៊ុក​(Facebook)​ទេ គ្រាន់​តែ​មើល​ត្រួសៗ​ដូច​តឹង​ចិត្ត​ដល់​ហើយ យូរៗ​ទៅ​ភាសា​ខ្មែរ​មិន​ដឹង​ក្លាយ​ទៅ​ជា​ស្អី​ទេ បើ​​អាចសុំ​ពិនិត្យ​មើល​ឡើង​វិញ​ផង!!!

“ព័តមាន”គួរតែសរសេរជា”ព័ត៌មាន”
ក្នុងពាក្យ”ពួកស្រ្តី”គួរតែលុបពាក្យ”ពួក”ចោល

“វិច្ឆិកា”ម៉េចក៏មិនសរសេរមិនអោយអស់
ម៉េចក៏ឧសភាមានខែពីមុខចឹង ហើយផ្សេងៗទៀតអត់មាន?

“ព្រឹត្តិការ”គួរតែសរសេរជា”ព្រឹត្តិការណ៍”

“មនុស្ស”ហើយ”មនុស្ស”ទៀត!
“របស់នេះ”គួរតែកែជា”ប្រកាសនេះ”

“មួយម៉ោងកន្លះ”គួរតែកែជា”មួយម៉ោងកន្លះមុន”

ម្តងប្រើពាក្យ”វិចារ”ម្តងប្រើពាក្យ”មតិ”???



ពាក្យ”ព័ត៌មាន”និងពាក្យ”ព្រឹត្តិការណ៍”តាមវចនានុក្រមសម្តេច ជួន ណាត





យល់យ៉ាង​​ម៉េច​ដែរ​ពី​អត្ថបទ​មួយ​នេះ?

4 01 2011

ដើមអំពិល៖ យុទ្ធវិធីដែលនារីត្រូវយល់ដឹងនៅពេលរួមភេទ





ហ្វេសប៊ុក​ជា​គេហ​ទំព័រ​ដែល​ពេញ​និយម​ជាង​គេ​ប្រចាំ​ឆ្នាំ​២០១០?

4 01 2011

តាមដើមអំពិលបកប្រែពីFinancialfeed៖

តាមគេហទំព័រFinancialfeedផ្ទាល់ គេសរសេរថាគេគិតតែនៅក្នុងសហរដ្ឋអាមេរិកទេ៖

ដើមអំពិល៖ ហ្វេសប៊ុកជាគេហទំព័រជាប់ចំណាត់ថ្នាក់លេខ១ប្រចាំឆ្នាំ២០១០
Financialfeed៖ Facebook 2010’s Most Visited Site








%d bloggers like this: